Nëse keni hapur biznes në Gjermani, Zvicër, Austri apo SHBA, keni në fakt dy audienca njëherësh: klientët/partnerët vendas që presin një website profesional në gjuhën e tyre, dhe komunitetin shqiptar, klientë, punonjës, nënkontraktorë, që ju gjejnë dhe ju besojnë më shpejt kur website-i flet edhe shqip.
Të zgjedhësh vetëm një gjuhë ju kushton gjysmën e mundësisë
Shumë biznese shqiptare në diasporë zgjidhin vetëm një gjuhë dhe humbasin gjysmën e mundësisë. Një kompani ndërtimi në Gjermani me website vetëm gjermanisht e ka të vështirë të tërheqë punonjës apo nënkontraktorë shqiptarë që e njohin cilësinë e punës shqiptare, por parapëlqejnë të komunikojnë në gjuhën e tyre. Anasjelltas, një website vetëm shqip humbet besueshmërinë tek klientët gjermanë që presin standard lokal profesional.
Përkthim i vërtetë, jo widget "Google Translate"
Zgjidhja e saktë nuk është një widget 'Google Translate' i ngjitur sipër faqes, përkthimet automatike janë të dukshme dhe ulin besueshmërinë menjëherë. Zgjidhja është strukturë e vërtetë dygjuhëshe: çdo faqe e përkthyer nga një njeri, URL të veçanta për secilën gjuhë (p.sh. domain.com dhe domain.com/en), dhe sinjalizim i qartë tek Google (hreflang) se cila faqe i shërben cilit vizitor.
Modeli që e kemi ndërtuar tashmë
E kemi ndërtuar këtë saktësisht për klientë si Hauswerk Niederbayern (kompani ndërtimi në Straubing, Gjermani) dhe Suli Group Trockenbau, biznese të themeluara nga shqiptarë që operojnë në tregun gjerman por kanë ekip dhe rrjet kontaktesh shqiptar. Website dygjuhësh u dha atyre kërkesa më të sakta nga të dyja anët, pa humbur kohë me telefonata për të sqaruar gjuhën.
Si duket kjo në praktikë
- Faqja kryesore dhe shërbimet plotësisht të përkthyera, jo vetëm titujt.
- Numri i telefonit/WhatsApp funksional për të dyja audiencat.
- Çmimet e paraqitura në monedhën e duhur për secilin treg (EUR për Gjermaninë, CHF për Zvicrën).
- Dëshmi/portofol që tregojnë cilësinë e punës në të dyja gjuhët.
Përfitimi SEO është real, jo teorik
Google e indekson secilën gjuhë veç e veç, që do të thotë se renditeni njëkohësisht për kërkime gjermane/angleze (nga klientë vendas) dhe kërkime shqipe (nga komuniteti dhe familjet që kërkojnë 'firma ndërtimi shqiptare gjermani' apo të ngjashme). Një website njëgjuhësh ju mbyll gjysmën e këtij trafiku që në start.
Ende me website vetëm në një gjuhë në diasporë?
Dygjuhësia e vërtetë (jo përkthim automatik) është investim i vogël krahasuar me numrin e klientëve që hapni prej saj. Përgjigje brenda 24 orësh.
Merr ofertë falas →